وزیراعظم عمران خان آج اقوام متحدہ کی جنرل اسمبلی کے اجلاس سے خطاب کریں گے

وزیراعظم پاکستان عمران خان آج رات اقوام متحدہ کی جنرل اسمبلی کے اجلاس سے خطاب کریں گے۔ نیویارک میں جاری جنرل اسمبلی کے اجلاس سے وزیراعظم عمران خان  ورچوئل خطاب کریں گے۔ وزیراعظم اپنے خطاب میں مقبوضہ کشمیر میں بھارتی مظالم اور افغانستان کی صورت حال سمیت دیگر امور پر دنیا کو پاکستان کے مؤقف سے آگاہ کریں گے۔ یاد رہے کہ اقوام متحدہ میں پاکستان کے سفیر منیر اکرم نے چند روز قبل بتایا تھا کہ وزیراعظم عمران خان 24 ستمبر کو جنرل اسمبلی کے اجلاس سے خطاب کریں گے جس میں وہ کشمیر اور افغانستان سمیت دیگر مسائل پر اظہار خیال کریں گے۔ پاکستانی وقت کے مطابق وزیراعظم عمران خان کا خطاب رات ڈیڑھ بجے نشر کیا جائے گا۔