آرمی چیف جنرل قمر جاوید باجوہ سے پاکستان میں امریکی ناظم الامور کی ملاقات

راولپنڈی:چیف آف آرمی سٹاف جنرل قمر جاوید باجوہ نے کہا ہے کہ پاکستان امریکہ سے باہمی رابطے برقرار رکھنے کا خواہاں ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے امریکی ناظم الامور کی ملاقات ہوئی ہے جس میں باہمی دلچسپی، علاقائی سیکیورٹی ، افغانستان کی صورتحال پر گفتگو کی گئی۔ ملاقات میں مختلف شعبوں میں باہمی تعاون سے متعلقہ امور زیر غور آئے جب کہ امریکی ناظم الامور نے افغان امن عمل میں پاکستان کے کردار کو سراہا۔پاکستان امریکہ کے ساتھ دورس اور کثیر الجہتی تعلقات کا فروغ چاہتا ہے۔اس موقع پر امریکی ناظم الامور نے خطے میں استحکام کے لیے پاکستانی کوششوں کی تعریف بھی کی۔